Nimin tlai khan Mizoram Rifles Association (MRA) chuan Holiday Palace, Sihhmui-ah inhmuhkhawma an nei a, hetah hian Pu Zodintluanga, Minister of Sports & Youth Services chuan kum 2011 a India ram pum huap 21st AIGVMSC (Rifle inkahsiakna) Ahmedabad a neih a, Gold Medalist Lalrinawmi Sailo hnenah chawimawina a hlan a ni.

Kalkhawmte hnenah thu sawiin Pu Zodintluanga chuan MRA chu pawl naupangte ni mahse, an thawhrimna leh inpekna avangin India ram huap hlawhtlinna an hmuh chho mekah lawmawm a tih thu sawiin, kum 4 hmel chauh la hmu mahse, India ram hriat an hlawh a, hmeichhiate discipline a tha hle a, mipa lam erawh an in ennawn a ngai a ti.

Association hruaituten hun leh tha tam tak senga, an member naupang zawkte tan an sen thin thu sawiin, Minister chuan, an hruaitute chu he pawl hruai lo hian an awm thei a, anmahni tan nilo, club member te tan an thawk anih zawk thu a sawi bawk. Infiam mite hian mahni tan a ni tih hre lovin, Club hruaitute tan emaw infiamna ah an beih thin an tih chu a diklo tih sawiin Minister chuan concentration game ah chuan taimakna leh insumtheihna a ngai a, tui chilh tak tak na nen chauh hlawhtlinna a awm theih thu a sawi bawk.