Vawiin chawhnu dar 1:00 khan Dr.Lalbiakkima Medical Superintendent kaihhruaina in Aizawl Civil hospital Auditorium ah ni 3 chhung awh tur \" Emergency and Trauma Care Symposia cum AIIMS Basic Emergency Care Course” chu tan a ni.

He Programme hi All India institute of Medical Science (AIIMS) New Delhi leh Director of Hospital and Medical Education, Govt. of Mizoram tangkawp in a buatsaih a ni a, Aizawl leh District hrang hrang a Doctor leh nurse te emergency a damlo enkawl na kawnga hmasawnna tur atana buatsaih a ni.

He hun a thusawitu Pu Lalrinliana Sailo, Director SHME chuan, \" Hriselna lamah hma kan sawn theihna turin theihtawpin hma kan la mek zel a, he programme nei tura AIIMS atanga an lo kal thei hi thil lawmawm leh chhinchhiah tlak tak a ni,\" tiin \"Emergency leh rikrum thilah te hmasawnna tur tam tak kan la nei a, Mizoram hi tlangram kan nih avangin rikrum thil atan emergency care tha tak nei turin hma kan la zel dwn a, he programme hi a bul tanna a ni a, AIIMS te nen hian emergency care a hma kan sawn theih nan hma kan la ho zel dawn a ni\" a ti bawk. Dr. Ramfangzauva Jt. director Planning ten thu an sawi bawk.

Hawnna inkhawm hi Dr. Vanlalsiama Chhangte in lawmthu sawiin tih tawp a ni.