World Environment Day denchhenin Environment & Forest Department leh Mizoram Photographic Association tangkawp chuan ni 3 awh tur Photo Exhibition, Aijal Club-ah an buatsaih.
He Photo Exhibition-ah hian "Forests for all" tih thupui hmangin khuanu thilsiam "Nature" lam hawi thlalak mawi tak tak 400 dawn lai tarchhuah a ni a, thlalatu 68 zet te kutchhuak pholan a ni. Hawnna inkhawm tawite buatsaihah MJA President Pu H. Zosangliana chu khuallian niin Mizoram Photographic Association President Pu Lalthazuala Royte in inkhawm a kaihruai a, Pu Liankima Lailung IFS, Conservator of Forests (Wildlife) in Keynote address a pe a ni.
Khuanu kutchhuak "Nature" pawimawhna leh hlutna mipuite hriatah awmze nei a zau taka puandarh a nih theih nan, World Environment Day hi kum tin hman thin a ni a. 1972 Stockholm Convention in a rel atanga kum khatah hman tan niin United Nations Environment Programme (UNEP) chuan a thlengtu tur ram kum tin a thlang thin a, kuminah hian a vawikhatna atan India chuan a thleng a. Environment Day 2011 thupui atan "Forests-Nature at your service" tih chu hman a ni.
Photo Exhibition hi June ni 24 ah Environment and Forests Minister Pu H. Rohluna'n a khar ang a, thlalak tha ber pakhatna atanga pathumna latu te hnenah lawmman pek an ni ang a, a tel zawng zawng hnenah participation prize pek an ni bawk ang. Hei bakah hian World Environment Day pual veka buatsaih Middle School zirlaite inelna Quiz Competition leh High School leh Higher Secondary School-te inelna Painting Competition a lawmman latu te hnenah lawmman sem a ni nghal bawk ang.
Khuanu kutchhuak "Nature" pawimawhna leh hlutna mipuite hriatah awmze nei a zau taka puandarh a nih theih nan, World Environment Day hi kum tin hman thin a ni a. 1972 Stockholm Convention in a rel atanga kum khatah hman tan niin United Nations Environment Programme (UNEP) chuan a thlengtu tur ram kum tin a thlang thin a, kuminah hian a vawikhatna atan India chuan a thleng a. Environment Day 2011 thupui atan "Forests-Nature at your service" tih chu hman a ni.
Photo Exhibition hi June ni 24 ah Environment and Forests Minister Pu H. Rohluna'n a khar ang a, thlalak tha ber pakhatna atanga pathumna latu te hnenah lawmman pek an ni ang a, a tel zawng zawng hnenah participation prize pek an ni bawk ang. Hei bakah hian World Environment Day pual veka buatsaih Middle School zirlaite inelna Quiz Competition leh High School leh Higher Secondary School-te inelna Painting Competition a lawmman latu te hnenah lawmman sem a ni nghal bawk ang.
