Aizawl-a All India Radio, Doordarshan leh Press Information Bureau tih changtlun a ni dawn a. July 13 a Guwahati-a sorkar laipui Information & Broadcasting Minister Pi Ambika Soni hi a central media hotute Regional Conference ah thusawiin AIR Director General Pi Noreen Nagvi, Doordarshan Director General Pi Aruna Sarma leh PIB Principal Director General Pi Neelam Kapur te chuan Plan 11 na chhunga AIR, DDK leh PIB tih changtlun anih dan turte an puang a ni.
AIR DG chu tun Plan chhung hian cheng vaibelchhe 900 senga hmarchhak AIR khawlte tih chantlunna scheme hnuaiah AIR Aizawl Medium Wave Transmitter Kilowatt 20 chu khawl chhuak thar digital transmitter a thlak tum a ni a, digital studio leh newsroom modernization a tel nghal bawk tih a sawi. AIR Aizawl FM transmitter Kilowatt 6 pawh a thara thlak tum a ni tih a sawi bawk. Heng bakah hian Champhai, Tuipang leh Kolasib-ah FM Station pawh programme siam thei tura buatsaih mek a ni a ti.
Doordarshan DG chuan DDK Aizawl tiamin hmarchhak biala DD transmitter leh studio te digitalize vek an ni dawn tih a sawi a. Tuna D-9 Camera leh edit suit an hmante pawh Tapeless Technology a thlak vek tum a ni a. Hetiang hmanraw changkang hi India a a hmang hmasa ber an ni dawn a ni.
PIB Principal DG chuan Aizawl-a Mizoram sorkar-in hmun an pek ah PIB Office leh Media Centre din tum mek a ni tih a sawi. Central Media hotute intawhkhawmna hi I & B Secretary Pu Raghu Menon an a kaihruai a. Minister of State for I & B Pu CM Jatua pawh a tel. Mizoram I & PR Minister aiawhin Pu Lalsiama Fambawl, Deputy Director , I & PR in Mizoram mamawh leh harsatna te a sawi a. Hmarchhak bial atangin Doordarshan DDG Pi V. Sekhose, AIR DDG Pu C. Lalrosanga leh Chief Engineer, AIR & DD Pu Jayaraj te pawh an tel a ni.
Doordarshan DG chuan DDK Aizawl tiamin hmarchhak biala DD transmitter leh studio te digitalize vek an ni dawn tih a sawi a. Tuna D-9 Camera leh edit suit an hmante pawh Tapeless Technology a thlak vek tum a ni a. Hetiang hmanraw changkang hi India a a hmang hmasa ber an ni dawn a ni.
PIB Principal DG chuan Aizawl-a Mizoram sorkar-in hmun an pek ah PIB Office leh Media Centre din tum mek a ni tih a sawi. Central Media hotute intawhkhawmna hi I & B Secretary Pu Raghu Menon an a kaihruai a. Minister of State for I & B Pu CM Jatua pawh a tel. Mizoram I & PR Minister aiawhin Pu Lalsiama Fambawl, Deputy Director , I & PR in Mizoram mamawh leh harsatna te a sawi a. Hmarchhak bial atangin Doordarshan DDG Pi V. Sekhose, AIR DDG Pu C. Lalrosanga leh Chief Engineer, AIR & DD Pu Jayaraj te pawh an tel a ni.
