Indian Air Force chuan hna hrang hrang - Airman in Group ‘Y’ (Non-technical), Automobile Technician (Auto Tech) leh Indian Air Force (Police) IAF(P) Trades - an la dawn a, hemi atan hian thla leh September ni 1-5, 2018 chhungin Air Force Station Borjhar, Guwahahti, Assam-ah Recruitment Rally neih a ni ang.

Indian Air Force hna hrang hrang dil tur hian heng hmarchhak state-Assam, Arunachal Pradesh, Mizoram, Nagaland, Tripura, Manipur leh Meghalaya-a cheng Indian leh Nepali mipa, nupui la nei lo, 14 July 1998 - 26 June 2002 inkara piang, Pawl 12 pass te tan dil theih a ni ang a. Recrutiment rally-a tel duhte chu September ni 1 leh ni 3, 2018 zing dar 6 atanga dar 10 inkarah a hmun an thleng ngei ngei tur a ni. September ni 1-ah Physical Fitness Test neih a ni ang a, heta tlingte tan a tuk September ni 2-ah Written Test, Adaptability Test 1 & Adaptability Test 2 neih a ni nghal bawk ang. ‘Auto Tech’ hna dilte tan an san zawng  (height) chu 165 cm a ni tur a ni a, hmarchhak atanga candidate-te erawh chu 162.5cm-ah tihhniam phalsak an ni thung. ‘IAF(P)’ hna dilte chu an san zawng (height) 175 cm a ni tur a ni a, hei hi hmarchhak state atanga telte pawh a huam ang.

Hrechiang duhte tan an website www.airmenselection.cdac.in ah enfiah theih a ni.