August 15, 2011 (Nilaini ) zing dar 9:00 hian Mizoram sorkar chuan India Independence Day chu ropui takin A.R. Ground ah a lawm dawn.

Hemi ni hian Zing ni chhuah veleh Sorkar In leh mimal In ah India Hnam Puanzar zar tur a ni a, sorkar chuan India ram leh hruaitute tan Kohhran leh Sakhaw hrang hrang te tawngtaina nei turin a sawm a ni.

Zing dar 9:00 ah Pu Lal Thanhawla, Chief Minister chu Khuallian anih na hmun tur AR Ground ah thleng tura beisei niin, Hnam puanzar a pawt pharh anga, sipai leh Police, NCC, Scouts & Guides, Ex-Servicemen, Home Guards, School naupang leh Band Party hrang hrangte India Hnam Puanzar chibai buk chu a chhanglet ang a, mipui kalkhawm hma ah thu a sawi ang.

Medal/Awards pek tur awm apiangte hnenah Chief Minister hian a pe ang a, Certificate leh lawmman awmte semna a nei bawk dawn a ni. Hemi zawh hian Band Party ten Hnam Hla an tum anga, lawmna inkhawm chu hemi ni atan hian a tawp ang.

Governor ‘AT HOME’ sawm bikte tan chhun dar 11:00 ah Raj Bhawan ah a awm ang.