4001/2023-2024
Aizawl, the 28th February 2024: Aizawl District Bawrhsap Pi Nazuk Kumar chuan a hnuaia tarlan ang hian vawk hrileng avanga Vawlvulhtute leh vawksa zuar te an fimkhur na turin thuphek a chhuah.
Hri hlauhawm tak African Swine Fever (ASF) chuan min la kiansan thei lova. Aizawl District mipuite he hri laka kan lo him a, kan lo fimkhur zel nån Vawk chungchangah inkhuahkhirhna thupêk chhuah a lo tul leh ta a.
Chuvangin, Aizawl District huam chhunga mipuite zawm turin a hnuaia mi ang hian thupêk chhuah a ni e:-
1) Aizawl District chhungah ram dang (foreign) atanga vawk, vawksa leh vawksa atanga siam eitur chi reng reng lak luh khap tlat a ni.
2) State dang leh District dang atangin Vawk, Vawksa leh Vawksa atanga siam eitur reng reng lâkluh khap tlat a ni.
3) Vawk damlo reng reng talh leh hralh khap tlat a ni. Vawk damlo chu dah hran vat tur a ni. Vawk thi reng reng thûk taka phum bo tur a ni. 4) Vawk damlo leh thi an awmin AH & Vety Department Official-te hnenah hriattir vat tur a ni.
5) Aizawl District chhung khua leh khua emaw, veng leh veng emaw-a vawk inlåkpawh tawn tur reng reng in vawk hrisel tha ngei a ni tih hriatpuina AH & Vety Department hnenah lak tur a ni.
6) Director, AH & Vety Department atanga phalna neite tan ASF hrilên lohna State atangin vawksa atanga thil siam (frozen pork) lakluh phal a ni a. Amaherawhchu, Standard Operating Procedure zawm ngei tur a ni a, APEDA emów ESSAL in a pawmpui firm an ni bawk tura a ni.
He thupêk hian thu leh awm hma chu puan a nih atanga thla hnih (2 months) chhung a huam ang.
He thupêk zåwm lo te chu IPC Section 188 dan hmanga hrem theih an ni ang.
