Mizoram State Tobacco Control Society leh Aizawl City Traffic Police-te chuan public service vehicle chhunga meizial zuk a remchanloh thu inhrilhhriatna leh, heng lirthei ah te hian sticker bel hna vawiin khan an thawk.

The Prohibition of Smoking in Public Places Rules, 2008, Rule No 3 sub rule (1) & (2) in a sawi angin heng public service vehicle-ah te hian meizuk phal a nih loh mai bakah meizukna hmanrua hrang hrang, heng ashtray, lighter leh adangte pawh chhawpchhuah khap a ni a; lirthei chhungah “No Smoking” sticker bel ngei ngei tur a phut a ni bawk.

Vawiin awareness campaign buatsaihah hian Christmas lo hnai zelah lirthei khalhtute leh mipui kawng hmangtute fimkhur leh zual tura inzirtir niin, dan dak taka lirthei khaltuten an khalh a, midang ngaichang chung zela lirthei khalh emaw kawng kal emaw chuan accident tam tak pumpelh theih a nih tur thu sawi a ni. Zebra Crossing ke a kal ten an kawn laia lirthei tlan dan tur te, signal light pek dan diktaka hmang uar tur tein leh fimkhurlo tak leh mite harsatna thlen thei zawng a lirthei khalhlo turin Driver-te ngen a ni.