1524/2026-2027 

Aizawl; 27th July,2026: Tukin zing dar 8:30Am khan  Aizawl DC Office kawtah Aizawl District Water & Sanitation Mission (DWSM) Chuan State Water & Sanitation Mission (SWSM) atanga an dawn, Aizawl District tana tawihtheilo khawn khawmna tur Motor (Dry-Waste Collection Vehicle) pali (4) sem chhuahna hun a buatsaih a.Aizawl DC leh Aizawl District Water & Sanitation Mission (DWSM) Chairman ni bawk, Er. Lalhriatpuia chuan tawihtheihlo khawn khawmna tur Lirthei pali(4) te hi a hmangtu tur te hnenah a hlan chhawngin, a vailiam nghal a ni. 

Tukin a Lirthei 4 (Dry Waste Collection Vehicles) te hi Swachh Bharat Mission Grameen (SBMG) a tanga lei niin, Motor Pasarih (7) lei a ni a, Aizawl District hian Pali (4) changin, Seling Plastic Waste Management Unit enkawltu, Vanzel EcoSolution hnenah pahnih(2) hlan niin, Aibawk Plastic Waste Management Unit enkawltu Waste Tech & Bio-Energy hnenah pahnih(2) bawk hlan a ni. Tun dinhmunah PHE Department enkawl SBM-G hnuaiah hian, Mizorama pumah hmun 5-ah tawihtheilo bawlhhlawh sawngbawlna hi mumal taka kalpui mek a ni a. Aizawl District bikah hian hmun hnihah awmin, Thingsulthliah RD Block leh Darlawn RD Block huamtu Seling PWMU leh Aibawk RD Block leh Tlangnuam RD Block huamtu, Aibawk PWMU te an ni. Heng bawlhlawh sawngbawlna hmun hian an vaiin khua 48 atangin in 12000 vel (12000 households) a huam (cover) mek a, khaw tam zawk huam tura hmalak mek a ni bawk. Heng Bawlhlawh Sawngbawlna hmunte hi mipuiin a hman man (user fee) an pek tling khawm hmanga enkawl mek a ni. User fee hi duh ang a luh that ṭhin loh vangin bawlhhlawh sawngbawlna hmunte hian harsatna lian tak an tawk ṭhin a, bawlhhlawh phur motor semchhuah a ni hian he harsatna an tawh ṭhenkhat a chhawk zangkhai ngei rin a ni. Motor semchhuahna hun bakah hian heng bawlhhlawh sawngbawlna hmunin a huam khuate zinga bawlhhlawh thliarhrang ṭha leh user fee pe ṭha thlanchhuah khua 23 a dah turin vantlang bawlhhlawh bawm 421 semchhuah tel nghal a ni.

 He Motor semchhuahna programme  hi Pu Zoramsiama Hmar, Addl. DC chuan kaihruaiin, Er. C. Lalchawimawia, Sr. EE, RWD, PHED, Aizawl chuan Technical Report a pe a, PHED leh DC office-a Officers ten he hun hi an hman pui a ni.