Vawiin chawhma dar 11:00 khan DC Conference Hall, Aizawl-ah Pu Kannan Gopinathan IAS District Bawrhsap hovin Aizawl District chhunga naupang chanhaite chenna in Childrens’ Home–te tanpuina tur scheme “Adopt a Home” programme hnuaia hmalak dan tur rel a ni.

“Adopt a Home” hi sawrkar laipui Ministry of Women and Child Development (MWCD) hnuaiah kum 2016 atang khan kalpui tan a ni a. He programme hnuaiah hian Childrens Home-a naupang cheng te mimal, pawl leh company ten kawng hrang hrang a an tanpui theih dan tur duan a ni. He meeting ah hian Pu Kannan Gopinathan chuan Childrens Home a naupang cheng te tanpui chu mitin mawhphurhna a ni tiin, he programme thiltumte hlen chhuak tura thahnemngai taka hma la turin kalkhawmte chu a chah a. Pi Lalrempuii Fanai, Protection Officer (IC), Aizawl District Child Protection Unit (DCPU)- in PowerPoint hmangin “Adopt a Home” programme hi kalkhawmte a hrilhfiah a ni.   

Vawiin meeting ah hian Social Welfare Department, Taxation Department, Information & Public Relations Department leh District Child Protection Unit aiawhte an tel a ni.