No.832/2021-2022
Aizawl 6th June 2021: Mizoram Sorkar-in Order No.B.13021/101/2020-DMR/Vol-IV Dt.5.6.2021 a chhuah bawhzuiin a hnuaia mi ang hian dawr/chawhmeh dawr hawn, bungrua semchhuah/lak, hnathawh, zin veivah, containment zone leh inkhuahkhirhna chungchangah hriattirna chhuah a ni.
1.AMC area-a dawr hawn theih hun:
A hnuaia mi ang hian dawr hawn theih a ni ang.
Dawr hming | Hawn theih Ni | Hawn theih darkar | Hriattur pawimawh |
Eichawp dawr | Nitin LLTF ruahmanna-in | Zing dar 8 thleng | Distributor/wholesaler ten zan dar 8 atanga zing dar 4 inkarah LLTF hriatpuina-in bungrua an sem thei ang. |
Thlai leh sa | Zirtawpni
LLTF hriatpuina-in | Zing dar 5 atanga tlai dar 5 | Ningani zan dar 8 atanga zing dar 4 inkarah LLTF hriatpuina-in distributor/agent-te'n zuar chhawng tur hnenah bungrua an sem thei ang.
Veng dangah chawhmeh lei tura kal lohtur a ni a. Chawhmeh lei tura motor-a chhuah khap a ni. |
Thlai chi/tiak leh agriculture kaihhnawih bungrua | Thawhlehni
LLTF hriatpuina-in | Zing dar 5 atanga tlai dar 5 | Heng dawr kaltur hian LLTF phalna lak hmasak tur a ni.
|
Zirlaibu zawrhna dawr | |||
Bungraw phur motor mamawh, oil leh spare parts zawrhna, loh theihloh thila hawn ngai workshop, puncture works
| |||
Computer leh mobile zawrhna leh siamna | Zirtawpni
LLTF hriatpuina-in | Zing dar 5 atanga tlai dar 5 | Heng dawr kaltur hian LLTF phalna lak hmasak tur a ni.
|
Hmasawnna hna peng hrang hrang thawhna atana bungraw mamawh - iron rod, balu, rawra, lung, brick, cement, electric bungrua, insakna bungrua |
A chunga dawr hawn leh bungraw lak chungchangah heng hi zawmtur a ni.
i) Chawhmeh/sazawrh turte lakna hmunah emaw an zawrhna tur hmunah emaw thutchilh nghal phal a ni lo. LLTF-te’n chawhmeh/sazuar te thutna hmun tur hi a hmaa tihdan angin mipui punkhawm tlem theihdan tur berin leh social distancing tha thei ang bera vawn a nih theih nan ruahmanna an siam ang. Tin, Executive Duty leh LLTF ten uluk takin an vil anga, dan bawhchhiate chu dan angin an hrem zel ang.
ii) Dawrah-te hian Covid-19 Appropriate Behaviour zawm ngei tur a ni a, Executive Duty leh LLTF ten uluk takin an vil anga, dan bawhchhia-te chu dan angin an hrem zel ang.
iii) A theih chin chinah a chunga dawr hawnni- Thawhlehni (Tuesday) leh Zirtawpni (Friday)-ah te hian home delivery kalpui tur a ni.
2. AMC-area-a hnathawh chungchang:
i) Mahni in compound chhuahsan lova hnathawh phal a ni. Veng dang atanga hnathawk tur rawih phal a ni lova. Vengchhung mi leh veng chhunga bungraw awmsa chauh hman tur a ni.
ii) Hmasawnna hna leh chhiatna thleng thei laka inven ngaihna thawh ngai chuan LLTF-ah in report tur a ni a. LLTF te hian bialtu Incident Commander hnenah an thlen anga, Incident Commander-in hnathawh phalna a pe thei ang.
iii) Incident Commander-in hnathawh phalna a pekte chuan hnathawhna bungrua– lung, balu, etc an lakhawm thei anga. Bungraw laknaah hian IC-in permit a pek ken zeltur a ni. IC chuan heng bungrua lakhawm tur hian Zirtawpni tihloh, ni dang zawngah movement permit a pe thin ang. (Zirtawpni ah chuan LLTF in an pe thei ang)
3. Zin veivah chungchang :
(i) Zin veivah khap a ni a. Chhiattawh leh damlohna thilah chuan VLTF/LLTF hriatpuina lehkha nen zinveivah theih a ni ang.Lehkha ah hian kal tanna/chhuahna hmun, kalna tur hmun, chhuah tan ni leh darkar, chhuah/kalchhan a chuang tur a ni.
(ii) Zin veivah dawnin kalna tur District-a Deputy Commissioner-in zinna hmun tur chu Containment Zone-ah a puang em tih finfiah hmasak tur a ni a. Chutiang a Containment Zone-a puan a nih chuan kalna tur hmun (destination) VLTF/LLTF remtihna lehkha chu zin diltu chuan a nei ngei tur a ni a, hemi lehkha nen hian Deputy Commissioner/SDO(C)/BDO hnenah zinchhuah dilna hi thehluh tur a ni. DC hnena dilna chu online in he link ah hian dil theih a ni- mcovid19.mizoram.gov.in/pages/mpass/inter-district.
4. Containment zone/area inkaihhruaina:
Containment zone/area-a puan chhunga hman turin kaihhruaina (SOP) siam chu containment area chhunga awm-te’n an zawm vek tur a ni. Inkaihhruaina hi LLTF/VLTF ten mipui hriatah a zing thei ang berin an puang tur a ni a, Inkaihhruaina chu zawm a ni em tih thlithlai reng tur a ni. Khauh takin inkaihhruaina hi kenkawh tur a ni a, a zawm lote chungah LLTF/VLTF, Executive Duty leh police duty ten a tul angin hremna an lek kawh ang. Containment zone/area-a hnathawktu mamawh belhna a awm chuan DC emaw a aiawh Incident Commander hnenah ziaka thlen tur a ni.
5. Inkhuahkhirhna puan chungchang:
Sawrkar-in a siam SOP/inkaihhruaina-in a huam baka veng bil bik tana inkhuahkhirhna khauhzawk neih tul tihna a awm chuan LLTF/VLTFte’n a chhan leh vang chiang taka ziakin Deputy Commissioner hnenah rawtna thlen theih a ni a. Mahni thu-a veng bil bik tan inkhuakhirhna hranpa/containment area/restricted area puan loh tur a ni.
