1671/2024-2025
Aizawl, 20.8.2024: Indian Meteorological Centre, Ministry of Earth Sciences in a thuchhuah a siam angin tunkar chhung hian Mizoram hmun thenkhatah ruah sur nasa tura rin a ni. Hemi chungchangah hian Aizawl DC, District Disaster Management Authority Chairman ni bawk chuan mipuite chiai lo turin a hriattir a, amaherawhchu mipuite him tlan zawk nan a hnuai ami ang hian thuchhuah siam in, ngai pawimawh theuh turin mipui a ngen in a hriattir a ni:
1. Mahni in leh lo thli leh ruah in a dawl theih nan a tul anga thawm that ngai lai te thawm that tur a ni.
2. Mahni in leh a velah leimin hlauhawm a awm anih chuan Silpaulin/ Tarpaulin a khuh hul tur a ni.
3. Tui luan kawr leh tuichhe paihna te kan enfiahin a thenfai ngai leh thawm that ngai te kan siam tha tur a ni.
4. Vawk leh ran dang vulhna thli, leimin siam thei te enfiahin a thli dawlna leh luan chhuahna mumal taka siam tur a ni.
5. Lui leh tui hmuna kal te a theih chinah tih loh hram tur a ni.
6. Thu dik lo leh belhchian dawl lo thehdarh loh tur a ni a. Lo theh darh an awm chuan DM Act 2005 hnuaia hremna dan ziak angina an chungah action lak a ni ang.
Khuarel chhiatna a lo thlen in District Emergency Operational Centre Toll Free Number : 1077 hi engtik lai pawha biak pawh theih reng a ni a, engemaw avanga line tlang theilo a nih pawhin mahni bialtu Zonal Officers te hnenah chhiatna thlen thu hriattir theih a ni ang.
