No.1113/2021-2022

Aizawl, the 24th June 2021: Vawin khan Pu R.Vanrengpuia, Additional Deputy Commissioner, Aizawl District, Incident Commander leh Chief Medical Officer, Aizawl East leh Aizawl West aiawh te chuan Central Jail leh District jail te an tlawh a. Tunlai hripui leng meka jail lamin an harsatna tawhte ahmunah an enpui bakah COVID-19 veite inkhunghran theihna tur an hmunhma neih angte an enfel pui bawk a ni.

Official te hian Deputy Commissioner, Aizawl District hmingin Central Jail hnenah PPE Suit – 30, Surgical mask – 100, N-95 mask – 50, Pulse Oximeter – 5, Oxygen concentrator – 2, Fumigating machine – 1 te a hlan a. Heng bungrua te hi Vision IAS Academy leh ACT Grants atanga Deputy Commissioner Office, Aizawl District in a dawn a ni.