No.3466/2021-2022

Aizawl the 20th December, 2021 : Aizawl DC Office kang thenfai hnatlang, vawiin khan office hnathawktute chuan an nei a. DC Office a thawk pension tawhte bakah Tuikual Local Council ten an pui bawk a ni.

DC Office hi December ni 17, 2021 zingkar khan a kang a, a kang chhe hneh hle. DC Office thenawm a mi Aizawl Press Club leh MHIP Office te pawh tukverh thenkhat kang chhiain a chhunga bungrua awm pawh a chhe nual a. A bul hnaia awm I&PR Office current line te pawh a kang chhia a ni.

DC Office hi kumin chhung mipui tan dawr theih anih dawn loh thu puanzar a lo ni tawh a. DC Dr. Lalhriatzuali Ralte chu SP, Aizawl Office ah thutna ruahman sak lailawk a ni a, Multi Level Car Parking, MINECO chu DC Office atan cheibawl phawt a ni ang a. Engtikah nge pangngai taka mipui tan dawr theih an nih dawn a la hriat loh a ni.