No.3825/2021-2022

Aizawl, 27th January, 2022: Disaster Management Act,2005 Section 33 in thuneihna a pek angin Aizawl DC chuan January 25 khan hriattirna tichhuakin Aizawl District huam chhungah bawlhhlawh leh tuichhe paih fimkhur loh avanga chhiatna hrang hrang thleng thin pumpelh a nih theih nan a hnuaia tarlan ang hian Local council/ Village Council tin te mahni veng/ khua theuha hma la turin a hriattir.

1. Bawlhhlawh/ hnawmhnawk/leivung te a paihna tur hmun ruatah chauh paih tur a ni.
2. Tuihawk luankawr mumal taka siam a, fai tak leh tha taka vawn tur a ni.
3. Chhung tinin tuichhe paihna mumal taka siam tur a ni.
4. Tuidawn mumal taka siam tur a ni.
5. Ran In thli/tuichhia/ek pawh mumal taka kawr (drain) ah paih thin tur a ni anga, mihring hriselna atan leh chhiatrupna thlen thei thil te chu senghawi zel tura hmalak tur a ni bawk ang.

Dan zawm lo te chu District Disaster Management Authority-ah report tur a ni a, Disaster Management Act, 2005 hmangin an chungah hremna dan lekkawh a ni ang.