Aizawl District Deputy Commissioner chuan ni 6th February, 2020 khan a hnuaia mi ang hian thupek a chhuah a ni :-

Tunlai hian Aizawl District chhungah silai (Airgun tiamin) leh hmanraw dang hmangin ramsa leh savate veha tihlum thin an awm tih hriat a ni a. Hei hi The Indian Wildlife (Protection) Act, 1972 in a khap tlat a ni.

Nimahsela, Kan State Animal, Saza (Serow) ngei pawh ramsa tihhlum zingah hian a tel a ni tih ka lo hriatin ramsa leh sava humhalh tura thupek chhuah belh ngei tulin ka hria a.

Chuvangin, kei, VANLALNGAIHSAKA, DISTRICT MAGISTRATE, AIZAWL DISTRICT, AIZAWL chuan Sec. 144 Cr.PC. 1973 (Act II of 1973) in thuneihna min pek angin Silai (Airgun tiamin) leh hmanraw dang hmanga ramsa leh savate tihhlum khap a ni tih ka puang e.

He thupek hian thla hnih (2) chhung a huam ang.

He thupek hi vawiin ni 6th February, 2020 hian Court Seal-a nemnghetin ka hming ka ziah hnan e.