No.440/2021-2022

Aizawl the 7th May, 2021 : Executive Engineer, PWD, Aizawl Road South Division, Aizawl hnen atanga thu dawn angin Aizawl Bypass Road (Silaimual - Falkland) inkar kawng siam tharah mi tu tih hriat loh ten bawlhhlawh leh leivung an paih thin tih hriat a ni a. Leivung leh bawlhhlawh paih hian kawng a tih zim bakah ruah tui luanna tur kawr te a hnawh thin a. Kawng tha a tihchhiat bakah pawi tam tak a khawih thei a ni.

Section 144 CrPC, 1973 (Act No. 2 of 1974) in thuneihna a pek angin Dr. Lalhriatzuali Ralte, IAS, District Magistrate, Aizawl District chuan Aizawl Bypass Road (Silaimual - Falkland) inkarah hian bawlhhlawh leh leivung reng reng paih khap tlat a ni tiin vawiin 7.6.2021 hian thupek a tichhuak.

He thupek zawm lote chu Section 188 IPC hmangin hrem an ni ang.

He thupek hian tihchhuah a nih atanga thla hnih (2) chhung a huam ang.