Vawiin  chawhma khan Pu Brijendra Kumar Yadav IPS, SP Aizawl hovin Aizawl DEF hnuaia Officers, Addl.SP, SDPO, OC leh Officers dang ten Annual Crime Review Meeting chu SP Conference Hall, Aizawl ah an nei.

Nikum leh Kumin chhunga Aizawl District chhunga Criminal case register chung changte leh kahaikhinna te thlirho ani a.  Case pawimawh zual bik Special Report case te leh Case pawimawh bik(sensitive case) la chinfel loh te sawiho a, hma lak dan tur te uluk taka sawiho a ni.

Kumin Krismas leh Kumthar lo thleng tur hi mipuiten ralmuang tak leh hlim taka kan hman theih nan a hmalak mek dan te leh hma lak zel dan turte pawh sawiho nghal ani a. Nasa zawk a misualte hnuchhui kawngah hma lak nise, hunpui lo thleng turah thianghlim tak leh ralmuang taka hun kan hman theih nan sorkar khap thil Halpuah leh a kaihhnawihte, Zu leh ruihtheihthilte hmanga midangte tana harsatna siamlo tura hmalak zel nise, heng thil dap/check leh tilo tura awareness pek te nasa taka kalpui zel ni bawk se tih chu meeting hian an rel bawk ani.

Kumin Mizoram MLA inthlanpui tluang taka neih ani leh Security duty ten tha taka kan mawhphurhna te kan hlen theih avangin Security duty zawng zawngte chungah SP Aizawl chuan lawmthu a sawia, NGO, MPF leh Media te leh Political party-te nen thawhhona thatak hnuaiah Inthlan buatsaih ani chu lawm awm atih thu a sawi bawk.

Aizawl District ah hian kum 2017(Jan.-Dec) leh 2018(Jan. – Nov.) chhunga case register dan tlangpui chu hetiang hi ani:

Nikum aiin kuminah hian case register atla hniam hret ani.

 1) Kum 2017 chhung hian IPC case bikah hian Rukruk, in rawk (Burglary/Theft) atam ber a case 831 a awm a. Kumtlinglo chunga hleilenna/sualna (POCSO) case 65 awmin  Zu case(MLPC act case) 48 a awm a. Murder case 8 a awm ani. SR case 102 zingah pending 3 awmin adangzawng chu chinfel ani tawh.

2) Kum 2018 Nov. thlengin IPC case bikah Rukruk, in rawk(Burglary/Theft) atam ber a case 554 a awm a. Kumtlinglo chunga sualna (POCSO) case 63 awmin  Zu case(MLPC) 57 a awm ani. Murder case 6 a awm bawk ani. SR case 100 zingah 38 pending awmin adang zawng chu chinfel tawh ani. Pending case te uluk taka sawiho niin hma lak zel danturte sawiho ani.