DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/aizawl-district-a-covid-19-executive-duty-daily-report-01062021-vengkhua-17-ah-dan-bawhchhia-man-an-ni-a-containment-zone-hmun-3-ah-pawh-man-an-nip

Aizawl District-a COVID-19 Executive duty daily report (01.06.2021) Veng/Khua 17 ah dan bawhchhia man an ni a, Containment Zone hmun 3 ah pawh man an ni

No.771/2021-2022

Aizawl 1st June 2021: Vawiin khan Aizawl district chhungah COVID-19 hri danna atana sawrkar dan siam "Mizoram (Containment and Prevention of COVID-19) Act, 2020" bawhchhia mi 30 man niin, an pawisa chawi tlingkhawm chu Rs. 9,600/- a ni a. Pawisa chawi tir tawh zawng zawng zat hi Rs. 5,44,190/- a ni. Vawiina dan bawhchhia man te hi hmai tuamna (mask) vuah lo, SOP zawm lo leh vantlang hmuna chilchhak an ni. Dan bawhchhiate hi AMC area veng 17 - Selesih, Bawngkawn, Chaltlang Lily Veng, Ramhlun Venglai, Ramthar, Edenthar, Zarkawt, Zuangtui, Zemabawk, Zemabawk North, Rangvamual, Phunchawng, Vaivakawn, Lawipu, College Veng, Salem Veng, Kulikawn ah man an ni.

Vawiin vek hian Ramthar, Bungkawn leh Bethlehem Vengthlang Containment Zone a awm dan bawhchhia mi 3 man niin, dan hnuaia an pawisa chawi zat hi Rs. 2,200 a ni a. Social distancing zawm lo leh Sawrkarin hrileng dona tura dan a siam zawm lo an ni.