Veng/Khua 15 ah dan bawhchhia man an ni a, Containment Zone hmun 2 ah pawh man an ni
Vawiin khan Aizawl district chhungah COVID-19 hri danna atana sawrkar dan siam "Mizoram (Containment and Prevention of COVID-19) Act, 2020" bawhchhia mi 31 man niin, an pawisa chawi tlingkhawm chu Rs. 10,700/- a ni a. Pawisa chawi tir tawh zawng zawng zat hi Rs. 6,26,190/- a ni. Vawiina dan bawhchhia man te hi hmai tuamna (mask) vuah lo, SOP zawm lo leh vantlang hmuna chilchhak an ni. Dan bawhchhiate hi AMC area veng 15 - Durtlang Leitan, Ramthar, Edenthar, Zarkawt, Zemabawk, Zemabawk North, Chhinga Veng, Tanhril, Rangvamual, Phunchawng, Zotlang, Tuikual South, Bungkawn Vengthar, Bethlehem Vengthlang leh Mission Vengah man an ni.
Vawiin vek hian Chaltlang Lily Veng leh Saron Veng Containment Zone a awm dan bawhchhia mi 2 man niin, dan hnuaia an pawisa chawi zat hi Rs. 2,000 a ni a. Phalna la lova Containment Zone atanga chhuak lui leh Sawrkarin hrileng dona tura dan a siam zawm lo an ni.
