2/2024-2025 

Aizawl, the 1st April 2024: Vawiin chawhma khan District Level Committee on Fire Prevention, Aizawl District chu Kangmei chhuak thei ven kawnga hmalakna te thlirlet in an thukhawm.

Aizawl District Bawrhsap Pi Nazuk Kumar, Chairman, DLCFP chuan meeting a kaihruai a. He hunah hian Aizawl District chhunga Kangmei chhuak tur ven kawnga hmalakna report tlangpui Pu Lalnunsanga Khawlhring, DFO Aizawl Forest Division leh Member Secretary ni bawk hnen atangin ngaithlak a ni.

Report in a tarlan dan chuan kum 2024 kumtir leh tun inkarah Kangmei chhuak vawi 308 chhinchhiah niin he Kangmei chhuak hian ram hectare 498.61 a tuam a. Lo hal hun tur ruatah thingtlang khua ten lo an hal deuh vek a, Khawpuar chiahin lo hal hun bituk pelh ah lo an hal a. He dan bawhchhiatna chungchangah hmalak dan tur pawh rel ho nghal a ni.

Aizawl Bawrhsap chuan Kangmei chhuak tur ven kawnga mipui zirtirna kalpui chu a tha thawkhatah a ngaih thu sawiin tan lak chhunzawm erawh a ngaih thu a sawi. He hmalakna pawimawh takah hian line department te pawh thawhhona tha an neih chhunzawm a pawimawh tih a sawi a. Thingtlanga ram kang venhim kawngah hmalakna kalpui ang thovin AMC huam chhungah pawh he hmalakna pawimawh tak hi chak zawka kalpui a ngai tih a sawi bawk.