No.3671/2021-2022
Aizawl, the 14th January, 2022 (Zirtawpni): Vawiin chawhnu khan Aizawl District Bawrhsap Pisa-ah Bawrhsap Dr. Lalhriatzuali Ralte kaihhruaina hnuaiah Aizawl District chhunga COVID-19 hri darh zel chungchang thlirho na leh hmalak dan tur sawihona neih a ni.
Meeting-ah hian Aizawl District chhunga COVID-19 hrikai tamna hmun leh hmalak chhoh mek dan te CMO te atanga ngaihthlak a ni a. Hri in kaichhawng zel tur danchah nana Micro Containment Area-a puan ngai Khua/Veng engemaw zat a awm thu pawh ngaihthlak a ni bawk.
CMO te Data atangin State IDSP in Khua/Veng tin Incidences Rate siam niin heihi Deputy Commissioner, Aizawl hnehah nitin Report rawn thawn in Deputy Commissioner, Aizawl in hemi hmang hian Zone Classification a siam ang a, Zone Classification hmang hian Khua/Veng Incidences Rate sanna te chu Containment Area/Restricted Area-a puan tura hmalak thin a ni ang.
He Meeting-ah hian Bawrhsap Pisa a Officer te, Joint Director, Directorate of Health Services, CMO East, CMO West leh State IDSP aiawh te an tel a ni.
Vawiin chawhnuah tho khan Aizawp SP's Conference Hall-ah Aizawl Bawrhsap Dr. Lalhriatzuali Ralte kaihhruaina hnuaiah Sorkarin SOP (Inkaihhruaina) a siam te Aizawl District huam chhungah khauh zawk leh uluk zawk a ken kawh a nih theih nan Meeting neih leh a ni a.
Aizawl District chhunga Task Force te tha tihchak dan tur kawng hrang hrang sawi ho a ni a. Mipui in SOP leh CAB uluk zawka an zawm theih nan inzirtirna neih dan tur te sawiho a ni. Veng tin/khawtin ah CAB uluk lehzuala zawm a nih theih nan Task Force tin hnuaiah CAB Implementation Team din nise tiin a rel a ni.
Ni 17th – 21st January, 2022 chhunga AMC Area hmun hrang hranga COVID-19 Random Test neih tur atan ruahmanna leh Department hrang hrang te mawhphurhna sawiho a ni bawk.
He Meeting ah hian Addl. DC, Addl. SP, CMO East, CMO West leh Central YMA hruaitu aiawh te an tel a ni.
Attachment
- Loading attachment...
