No.4316/2020-2021

Aizawl, the 19th August 2020: Aizawl District Bawrhsap Pu R.Lalramnghaka chuan Covid-19 hrileng laka mipui kan lo him zawk nan a hnuaia mi ang hian thupek a chhuah.

Kan rama hripui leng mek COVID-19 laka mipuite kan him zel theih nan leh hripui leng hi a darh zel loh na turin khapna thupek chhuah thuai a tul a;
Code of Criminal Procedure, 1973, Section 144 in thuneihna min pek angin, kei, R. Lalramnghaka, District Magistrate, Aizawl District, Aizawl hian hetiang hian thupek ka chhuah e:

August ni 21, 2020 zing dar 4:30 atanga September ni 3, 2020 zing dar 4:30 thlengin Rangvamual leh Phunchawng vengte ah luh leh chhuah khap tlat a ni ang. Heng veng pahnihte paltlang tur khualzin te pawh heng vengte huam chhungah hian an ding tur a ni lo.

Amaherawhchu, he thupêk hian a hnuaia tar lante hi, hnathawh avanga chhuakvák an niha, Contact Tracing an tibuai dawn lo a nih chuan a huam lo vang

Category-I

1. COVID-19 do hna thawktu te.
2.Sorkar hnathawk, an hnathawh avanga chhuakvakte.
3.Private Hospital leh Damdawi dawra thawk te.
4.Chanchin thar la khâwm leh puangtu te.
5.Petrol Pump-a thawktu te.
6.Private Security Service-a thawkte.
7. Rangvamual leh Phunchawng-a zawrh/ hralh tur Essential Commodity phurtu te.
8.Ch. Saprawnga Truck Terminal-a thawktu leh Motor dahtu, veng chhung hmun danga kal lova he Truck Terminal chhûnga hna pawimawh thawkte.

Category- II

1. District Magistrate leh Sub-Divisional Magistrate te'n phalna an pek te.

2.Medical emergency avanga Damdawi In pantu leh thihna avanga chhuah vah ngai, anmahni veng LLTF/ VLTF te lehkha keng te.

He thupek bawhchhia chu Indian Penal Code, 1860, Section 188 hnuaiah hrem theih a ni ang.