1736/2022-2023
Aizawl, the 29th August 2022: Aizawl District Bawrhsap Dr Lalhriatzuali Ralte chuan NH 54 kawngpui zirah Bawlhlawh paih thin an awm avangin a hnuaia tarlan ang hian mipui ten kan zawm turin thupek a siam.

Tunlai hian NH-54 Sairang leh Khamrang inkar kawngpui sir vel ah duh dah taka bawlhhlawh paih thin kan awm tih hriat a ni a. Bawlhhlawh chi hrang hrang kan paih thin avang hian Tlawng lui nasa takin a tibawlhhlawh a. Hriselna kawngah pawh mipuiten nasa takin kan tawrh phah thei a ni. Tin, Aizawl luhka ber Kawngpui a nih avangrn hnamdang lakah Mizo te hmel ti baltu a ni thei bawk a ni.

Chuvangin Section 144, CrPC 1973 tlawhchhanin a hnuaia Order siam a ni:-

"Tun chinah chuan mi tu pawhin NH-54 Sairang leh Khamrang inkar khawi hmunah pawh bawlhhlawh eng chi mah an paih tawh tur a ni lo".

He thupek bawhchhia chu IPC Section 144 hnuaiah na takin an chungah action lak a ni ang. He thupek hian chhuah a nih atanga thla hnih (2) chhung a huam ang.