1854/2025-2026

AIZAWL; the 27^th August, 2025: Vawiin khan DC Conference Hall-ah Aizawl District Working Committee chuan kumin Teachers’ Day lawm dan tur relin an thu khawm. Vawiin meeting hi Pu Zoramsiama Hmar, Addl.DC chuan kaihruaiin, Pu C.Lalbiakzauva, DEO, Aizawl district chuan nikum lama Aizawl District chhunga Teachers’ Day lawm dan leh a kaihhnawih thil pawimawh hrang hrang tarlanna hun a hmang.

Vawiin District Working Committee meeting chuan a hnuai a mi ang hian a rel:-

1.Mahni School theuhva Teachers’ day lawmna hi hman mai ni se, School 2/3 hmunkhata hmang duh an awm pawhin remtih sak ni se.

2. Teachers’ Day lawmna programme-ah hian(Pensioner leh thawklai mek tiamin) National leh State Awardee te chu mahni khua/veng theuhah chawimawi ni se, Official a sawmna pek ni  bawk se.

3. Teachers’ Day hi kumin bikah chuan( Holiday a nih avangin) School Academic Calender-a tarlan angin 4^th September,2025(Thursday)-ah lawm ni se, Teachers’ Day pualin Secretariat-ah Standee tar ni se, a Day hma ni 3 la awmah tar tan ni se.  Teachers’ day banner tar duh Private School chuan an tar duhna hmun hmate ziakin Director, School Education hnenah thlen se, a hu hovin Director, School Education chuan AMC-ah phalna lo dilsak se.

4. Teachers’ Day pual hian Aizawl khawpui chhung hmun langsar lai hmun 9-ah Banner tar ni se tiin, a tartu tur pawh ruatfel nghal a ni. Banner te hi a Day hma ni 3 la awma tar tan tur a ni.

5. DC office pawh Treasury Square a banner tar tur leh Teachers’ Welfare Fund-ah contribution nei ve turin meeting hian a ngen bawk.

6. Teachers’ Day lawmna programme-ah hian Teachers’ Day pual Education Minister’s message chhiarchhuah ni se.

7. Zirtirtu te chu zirlai naupang te atanga Teachers’ Day pual present manto  dawng lo tura infuih theuh ni se.