No.4489/2020-2021

Dated 27th August, 2020: Aizawl District chhunga Village Council Inthlan, 2020 hmun 61 a neih mekah Dar 12:00 (NOON) thlengin vote 22.82% a tla a ni. Dar 12:00 (noon) thleng hian mipa 6257 leh hmeichhia 7288, an vaiin 13545 in vote an thlak a. Zokhawthiang Village Council-ah vote 81.33% tla-in, dar 12:00 thleng hian vote tla sang ber a ni a, N. Khawdungsei-ah vote 75% tla in, tla sang ber dawttu a ni. Ratu-ah vote 11.33% tla in, vote thlak tlemna ber dar 12:00 thleng hian a ni.

Aizawl District chhungah hmun pariat- Darlawn Chhim Veng, Darlawn Venghlun, Darlawn Vengpui, Hualngohmun, Kelsih, Melriat, Muallungthu leh Sawleng-ah te vawiin hian Mizoram State Election Commission thuchhuah angin COVID-19 hripui darhzau tur ven nan Village Council Inthlan hi tulh hrih a ni.