No.4040/2020-2021

Village Councils/Local Councils, 2020 inthlan kan hmachhawn mek tluang leh felfai taka neih a nih theih nan Aizawl District chhungah inpuahchahna ngawrh taka neih chhoh mek reng a ni a. Vawiin khan Mizoram People's Forum te meeting neihpui an ni.

Vawiina meeting, Aizawl DC Conference Hall-a neih hi Pi K.Vanlalruati, Additional DC chuan a kaihruai a. Pi V. Lalmuanpuii, Election Officer chuan inthlan chungchanga hriattur pawimawh hrang hrangte a tarlang a. Election fel fai taka neih a nih theihnan MPF tawiawmna chu a pawimawh hle a ni tih sawiin, State Election Commission, Mizoram-in inthlanni atana inkaihhruaina a duan chu zawm a nih theihnan vengtina MPF te, tlawmngaia tan la turin a ngen bawk a ni.

He meeting-ah hian inthlan puan a nih atanga result puan thlenga lekkawh tur Model Code of Conduct chu chipchiar taka sawiin MCC chu dik leh felfai taka inthlan a nih theih nana ECI in zawm ngei tura a duan a nih thu leh a zawm lo chu dan tlawhchhana an chunga hremna lekkawh a nih theih dan te tarlan a ni bawk a. Dan bawhchhiatna chi hrang hrang awm theite pawh meeting-ah hian sawiho a ni.