1527/2025-2026

Aizawl, the 19th September, 2025: Vawiin khan DC Conference Hall, Aizawlah District Cooperative Development Committee (DCDC) chu an chairman, District Bawrhsap ni bawk Er. Lalhriatpuia hovin an thukhawm.

Vawiin thutkhawmah hian Aizawl District huamchhunga Cooperative Society 524 ten National Cooperative Database ah data tha taka an upload thin thu tarlan a ni a, 100% achievement neih a nih thu tarlan a ni. Aizawl East DCO hnuaiah Cooperative Society 305 leh Aizawl East DCO hnuaiah Cooperative Society 219 an awm a ni.

M-PACS/Primary Dairy/Fishery Cooperative Society thar dinna turin District Plan siam mek a nih thu tarlan niin September leh October thla chhungin khaw 7 ah awareness campaign neih tum a ni a. Krishi Vigyan Kendra (KVK) nen tangrualin farming Cooperative zawng zawng tan training buatsaih tum niin, MPACS 19 te tan Common Service Centre, PMBJY leh PMKSK chungchang inzirtirna neih tum a ni bawk. Hei bakah hian MPACS, MFCS leh MDCS chungchang awareness campaign khaw tina nei turin ruahmanna siam mek a ni.

Aizawl District chhunga Cooperative Society te a tam thei ang ber tlawh chhuaha an harsatna tawhte sawipuia a chinfel dan tur ngaihtuah turin inbuatsaihna a kal mek bawk a, a theih ang chin chinah tanpui an nih thin thu tarlan a ni a. MPACS kaltlanga sawrkar laipui flagship scheme a bikin PMBJK leh PMKSK kalpui tura hmalak a nih dan report ngaihthlak a ni bawk.