2586/2025-2026

Aizawl;the 9th December, 2025: Vawiin chawhma khan DC Conference Hall-ah DCC/DLRC/DLSC (for quarter ended September, 2025) meeting neih a ni a.Meeting hi DCC/DLRC/DLSC Chairman leh District bawrhsap ni bawk Er.Lalhriatpuia IAS chuan kaihruaiin,meeting-ah hian Quarter ended September,2025 thlenga Aizawl district chhunga Bank hrang hrang te hnathawh leh hmalakna te, Sawrkar Department nena sawrkar laipui schemes leh Projects hrang hrang te tih hlawhtling tura thawhho dan te thlir hova, huang zau taka sawi ho a ni.

Chairman Pu Hriatpuia chuan vawiin DCC/DLRC/DLSR quarterly meeting hi Bank hrang hrang ten engtin nge mipui rawng an bawl tih enletna te, hmasawn an ngaihna leh tan an lak zual ngaina lai te, Bank Security leh a khaihhnawih thil te,sawrkar department nen tha zawka thawhho dan tur te sawihona leh inhrilhhriatna platform pawimawh tak a ni a. Chuvangin vawiin ang meeting pawimawh ngaihsak lo Banker te chu mipui rawngbawlna rilru pu lova, hlawkna(Profit) ngawt ngaihtuah Banker angin kan ngai palh ang tih a hlauawm. Chutiang Banker te an awm chuan an lakah kan thikthu a chhia-in, kan hawihawm lutuk bik lovang a ti. Sawrkar laipuiin mipui te hamthatna tura project leh scheme hrang hrang a duan te tih hlawhtling tir tura Banker te leh concern sawrkar Department te hi thawkho tur kan ni a.Mipui lainatna leh hmangaihna nena kan hna hi tha taka thawk turin sawrkar chuan min beisei a ni, a ti bawk.

Vawiin meeting-ah hian heng agenda hrang hrang:

1.Adoption of Minutes
2.Deposits,Advances&Credit Deposit Ratio
3.Review of Credit Disbursement of Banks under ACP
4.Progress Report under KCC
5.Review of Performance under Government sponsored schemes
6.Progress report under Pradhan Mantri MUDRA Yojana(PMMY)
7.Review of Progress under Financial Inclusion Plan
8.Review of Non Performing Assets(NPA) te hi chhawpchhuah niin, ngunthluk taka thlirhoa, sawiho a ni.

Aizawl District chhungah hian quarter ended June,2025 (CD Ratio-44.22%)aiin quarter ended September,2025 (CD Ratio-52.31%) CD Ratio hi 8.08% in a pung.

Quarter ended June,2025 chhunga CD Ratio tam ber hi Indian Bank niin, 484.64% a ni a. A tlem ber hi YES Bank niin, 5.30% a ni thung.

Aizawl district chhungah hian Bank 24 awmin, chung zing atang chuan CD ratio 20% hnuailam Bank 4 an awm a.20% to 30% inkar nei Bank 3 awmin,30% to 40% inkar nei bank 1 a awm a. 40% aia tam CD Ratio neih Bank 16 an awm mek a ni. Quarter ended September,2025 a Aizawl District pumpuia overall CD ratio hi 52.31% a ni.

Annual Credit Plan hnuaiah hian Agriculture sector hnuaia 22.90% achievement awmin, MSME sector hnuaiah 58.68% leh Other Priority Sector hnuaiah 36.39%, a vaiin 44.54% a ni. He quarter ended september2025 chhung hian KCC hnuaiah loan pekchhuak hi Rs.3111 lakhs a tling.

Government Sponsored Schemes, heng: NRLM,NULM PMEGP leh Stand Up India(SUI) hmalakna leh achievement te thlirho a ni a.Hmasawn ngaina leh tanlak ngaina lai te sawiho a ni.

Financial Inclusion hnuaiah hian PMJDY account hawnga Aadhaar card nena link tawh hi 1,03,147 an awm a. Social Security Schemes heng PMJJBY,PMSBY leh AYP hnuaiah hian avaiin mi 1,53,551 an in enrolled tawh bawk a ni.

Pradhan Mantri Mudra Yojana(PMMY) hnuaia Bank loan pek chhuah dan te chipchiar taka thlirho a ni a. Non Performing Assets(NPA) hnuaia Priority sector(PS) leh Non Priority Sector(NPS) a hmalakna te thlir ho a ni a.PS-ah Quarter ended June,2025 aiin 1.71% in a thlahniam a, Non Priority Sector(NPS)-ah 0.02% in tlahniam ve thung a ni.

Vawiin meeting hi Pi Lalngaihawmi,SDC chuan "vote of thanks" sawiin a titawp ta a ni.