Vawiin chawhma khan I&PR Auditorium ah Aizawl District Bawrhsap Pisa, Aizawl District Disaster Management Authority  chuan tualchhunga  Local Council member leh YMA hruaitute  te tan ni khat awh, inzirtirna leh inhrilhhriatna hun, "Locality Disaster Management Committees on Disaster Risk Reduction" thupuia hmangin  a buatsaih a.

He hunah hian rikrum thila mihring nunna chhanhim,  inchhanchhuahna kalpui dan, hliamtuar sawngbawl dan, mihring siamchawp thil thenkhat  chhiatrupna thlen thei chungchanga inzirtirna leh khuarel chhiatrupna thlenna hmunhmaa hmalak dan tur te inzirtir a ni.

One Day training on Disater Risk Reduction programme hi Pu Lalhmunsanga Hnamte, Addl.Dc, CEO,ADDMA in a kaihruaia . He hunah hian rikrum thila hman tangkai tur software, ADDMA App pawh tlangzarh a ni a.  Aizawl DDMA  tiin Google Playstore ah dah a ni tawh a, android software hmang, mobile phone nei tan download leh install theih a ni.

First Aid chungchangah Dr. C.Laldinpuia, Newlife Hospital in zirtirna a pe a;  Kangmei kaihhnawih thila invendan leh kangmei vanga chhanchhuah ngai te tanpui dan inzirtirna  Pu Lalremmawia, SO, FES in a pe a.  Pi Irene Lalmuanzovi, DDMC, Aizawl in Non-structural Risk Mitigation & Family Disaster Management Planning chungchang leh local level hazard risk vulnerability  chungchang a sawifiah thung. He hunah hian zirhona bakah sawihona hun leh zawhna chhanna hun te buatsaih a ni.