3225/2022-2023

Aizawl, the 12th January 2023: Vawiin chawhnu khan Aizawl SP Conference Hall-ah Aizawl District Disaster Management Authority chu an thukhawm a. Meeting hi Dr Lalhriatzuali Ralte, Chairman, Aizawl District Disaster Management Authority(ADDMA), Aizawl District in a kaihhruai a ni.

Meetingah hian ADDMA hmalak tawhna thlirhona neih a ni a. District IRS member thar tur ruat chungchang te, Capacity Building hnuaia hmalakna tura chhawp chhuah chungchangte sawihona neih a ni.

A hnuaia tarlan ang hian ADDMA hnuaia hmalakna chungchangah report pek a ni.

Covid-19 hnuaiah Aizawl District chuan tanpuina sum CMRF Rs 8,80,94,878/- PM Cares Rs 2,79,80,224/- leh SDRF Rs 3,86,69,649/- a dawng a. A hnuaia mi sumhmanna hrang hrang atanga langsar zual te tarlan a ni.

i) Vehicle hire na (Ram pawn atanga rawn haw te hmuah nan leh an khua theuh thla nan)

ii) Quarantine facilities mutbu leh mamawh tul dang lei nan.

iii) Quarantine facilities a awm te ei leh in leh management atan.

iv) Medical equipments (PPE, mask, gloves, sanitizer etc) lei nan.

v) Executive duty te ei leh in atan.

vi) LLTF/VLTF te chhawmdawlna atan.

vii) Quarantine facilities electric leh tui bill atan.

viii) Migrant workers te chhawmdawina atan.

ix) Chhungkaw harsa zual leh home/ centre hrang hrangte tanpuina atan.

X)Covid-19 vanga boral te Exgratia assistance atan (Tun dinhmunah mi 413 hnenah Exgratia assistance hi pek tawh an ni)

State Disaster Relief Fund (SDRF)

District in fund a dawn zat - Rs 1,20,00,000/-

Sum hmanna tlangpui:

i)House damage assistance atan.

ii) Disaster avanga nunna chan (Exgratia assistance) atan.

iii)Disaster avanga damdawiin a in enkawl ngai te tanpuina atan.

iv)Clearance of debris atan.

v)Search & rescue operation atan.

vi) Crop damage assistance atan.

Capacity Building hnuaia hmalakna.

Capacity Building hnuaia activities hrang hrang neih te:

i) Darlawn RD Block a tui tlak hlauhawmna hmunah te hoarding tar a ni.

ii) Sialsuk khua ah Village Level Earthquake mock drill neih a ni.

iii)Aizawl District chhunga tui hnaih khua ( Tuirial, Zohmun, Palsang, N.Khawdungsei, N.Serzawl etc) te tan ni 3 awh water rescue training Mizoram Aquatics Association te nen a tangkawpin buatsaih a ni.

iv) Aizawl District chhunga LLDMC/VLDMC te Disaster Management chungchanga chetlak dan leh DM plan siam dante training pek an ni.

v) DDMA hnuaia Zonal Officers reporting system chungchangah training pek an ni.

vi) QRT member te tan ni 5 awh collapsed structure search & rescue training NDRF 1st Bn te nen a tangkawpin buatsaih a ni.

vii) NDRF te nen a tangkawpin Lalmalsawma Memorial School leh La Montessori school ah'Familiarization exercise on community awareness through lectures and demonstration on safety precautions and response during disaster' program neih a ni.

Mitigation Funds

State Government in a proposal thehlut tura a tih angin, Aizawl District chhunga chhiatna thleng mai thei hmun hlauhawm te zawn chhuah a, a thawm that hna thawh dan tur proposal chu Zonal Officers leh L.C/VC leh A.E/ J.E te hmalakna in siam a ni a. Tun dinhmunah hian Aizawl district chhung atan work proposal 200 chuang State government ah thawn thlak tawh a ni.

2022 atanga vawiin ni thleng a chhiatna lian tham thlen dan tlangpui report pek a ni a.

Lung lum, leimin, leikhi leh kangmei chhuak avangin Chennai in 32 tihchhiat a ni a, mi 8 in hliam tuarin mi 6 in nunna an chan a ni.

Vawiina ADDMA thutkhawmah hian Capacity Building hnuaiah training buatsaih chungchang,seminar huaihawt, Mipui zirtirna pekchhuah chungchang, Earthquake Mock Drill leh thil pawimawh dang te sawihona neih a ni.