Vawiin khan Aizawl District Fire Prevention Awareness Campaign Aizawl DC leh he Committee Chairmanni bawk Pu C.Thanchhuma’n Seling Community Hall-ah a hawng.
He Campaign hawnna inkhawm hi Pu C. Lalnunthara VCP Seling in a kaihruai a. Pu C. Thanchhuma chuan enga ti nge mahni ramah Mizo te hi mikhual awma kan awm tak. Kan mikhualna ramah chuan Kaiten a lo chhiat deuh pawhin pawi kan ti lova. Mahni inah chuan kan siam tha thin. Khawvela hnam khawngaihthlak ber chu mahni a ram neilo te hi an ni a. Chuvangin indona zawng zawng te hi ram inchuh vang a ni. Thi leh thau pawlhin thisen sengin nunna thapin ram an la thin, keini pawh kan pi leh pu te khan tuna kan chenna ram hi harsa takin an lo sual chhuak a, an hum thin a ni. Chuvangin Pathian min pek kan ram hi a neitu dik tak ten kan hum a ngai a ni a ti. Kangmei lakah a bik takin thangthar lo la awm zel tur te ngaihtuahin nasa taka kan hum a ngai a ni a ti a. Tuna dim baksak lova ram kan ti kang duai duai a thangtharte chenna tlak lova kan siam hian Pathian huat zawng kan sawi a ni a ti.
He Awareness Campaign ah hian Aizawl District Fire Prevention Committee Member-te an kal tha hle a. Seling leh a chhehvel khua zawng zawng atangin Hall lenglo khawpin mipui an kalkhawm bawk a ni.
Pu Lalthangliana Murray, DFO Aizawl leh he Committee Secretary ni bawk pawhin thu sawiin he Awareness Campaign-ah hian Aizawl district chhunga khawtinah group 10 zela inthenin tuam chhuah vek tum a ni a. He Awareness Campaign hi High School chin chunglam naupang zawng zawng, sorkar hnathawk zawng zawng te chu ngai pawimawh tura hriattir an ni a ti.
Bawngkawn SDPO pawhin thusawiin dan bawhchhiate chu sorkarin dim miah loin a hrem dawn a ni a ti a. Hun khar nan Central YMA aiawh Pu Zothanglianan lawmthu sawiin a tin a ni.
He Awareness Campaign ah hian Aizawl District Fire Prevention Committee Member-te an kal tha hle a. Seling leh a chhehvel khua zawng zawng atangin Hall lenglo khawpin mipui an kalkhawm bawk a ni.
Pu Lalthangliana Murray, DFO Aizawl leh he Committee Secretary ni bawk pawhin thu sawiin he Awareness Campaign-ah hian Aizawl district chhunga khawtinah group 10 zela inthenin tuam chhuah vek tum a ni a. He Awareness Campaign hi High School chin chunglam naupang zawng zawng, sorkar hnathawk zawng zawng te chu ngai pawimawh tura hriattir an ni a ti.
Bawngkawn SDPO pawhin thusawiin dan bawhchhiate chu sorkarin dim miah loin a hrem dawn a ni a ti a. Hun khar nan Central YMA aiawh Pu Zothanglianan lawmthu sawiin a tin a ni.
