No.949/2021-2022
Aizawl the 13th June, 2021: Kumin fur lo in tan chho ah Aizawl District chhunga chhanchhuah/ tanpui hna thawktute (Rescue Workers) leh Local/ Village Level Disaster Committee (LLDMC/VLDMC) member te an in buatsaih a tul hle a. Tum dang ang lo takin khuarel chhiatna hmachhawn tura kan in buatsaihna ah hian Covid-19 inkaichhawn theihna tur laka inveng chunga hmalak a ngaih dawn avangin ahnuaia hriattirna tarlan te hi District Magistrate, Aizawl District chuan zawm theuh turin a ngen a ni.
1. Khua/ Veng a khuarel chhiatna a thlenin District Emergency Operation Centre (1077-toll free)/ District Helpline- 8787451776 emaw mahni bialtu Zonal Officer ah thlen vat thin tur a ni.
2. Aizawl District Disaster Management Authority hnuaia Incident Response Team (IRS) member zawng zawng ten an thawktu (manpower) leh an hmanrua te a tul huna chetchhuah pui thei turin an in ring vek tur a ni.
3. Zonal Officers te mahni zone theuha khuarel chhiatna thleng thut thei respond (buaipui) thei tura in buatsaih tur a ni.
4. LLDMC/VLDMC ten mahni vengchhung a khuarel chhiatna District Emergency Operation Centre emaw mahni bialtu Zonal Officer ah report an pekin, chhiatna thlenna bulhnai ah CCC, 4C, home quarantine, home isolation an awm leh awm loh report tel thin tur a ni.
5. LLDMC/VLDMC ten mahni vengchhung a khuarel chhiatna avanga chenna in chhuahsan ngai an awm a, an lo awm lailawk theihna tur hmun ruahman sa an nei tur a ni.
6. Khuarel chhiatna a thlenin vengchhung mipui tul lo a pungkhawm tur LLDMC/VLDMC ten an veng tur a ni a. Sorkar-in a Covid-19 inkaihhruaina a siamte zawm ngei ngei tur a ni.
7. District IRS a task force/ strike team member - QRT, NDRF, SDRF, F&ES, S&YS, MRHG & CDRT (CYMA) te ADDMA atanga instruction kan hmuh veleh
a che chhuak nghal thei turin kan in ring reng tur a ni. Covid-19 laka kan him tlan zawk nan instruction dawn hma chuan tumah che chhuak lo tura beisei kan ni.
8. Police leh LLDMC/VLDMC ten chhiatna thlenna hmun an thlen veleh kal phalloh chin ramri kham (cordoning) an lo siam tur a ni.
9. Pawn lam atanga tanpuitu (QRT, NDRF, SDRF, F&ES etc) an rawn thlenin mipui te an lo inthiarfihlim tur a ni a, a tul dan a zirin rescue worker te kaihhruaina hnuaiah chhanchhuah/ tanpui hna thawh a ni ang a. Rescue worker ten tul an tih chin chauh tanpui hna thawk tura chet chhuah tur a ni.
10. Chhiatna thlenna hmunah chhanchhuah/ tanpui hna thawk tura ruat te chauh an awm tur a ni.
11. Chhiatna thlenna hmunah loh theih loh thil anih loh chuan ei leh in buatsaih loh tur a ni. Lo buatsaih a ngai ta anih pawhin a tlem thei ang ber leh ruat bik ten an buaipui ang a, Covid-19 Appropriate Behaviour vawng chunga ei leh pawh sem tur a ni ang.
12. Chhanchhuah hna thawktu ten a theih chinah mahni ei leh in tur in pai tur a ni.
13. Chhiatna thlenna hmunah I&PR Department in a ruatte chauh lo chu media mi leh sa kal phal a ni lo ang.
14. Chhanchhuah hna thawk tu ten a theih chinah hmanrua in hman tawm loh tur a ni.
15. Chhanchhuah hna thawk tu ten mask leh gloves an hmang ngei ngei tur a ni.
16. Chhiatna thlenna hmuna tanpuina (sum leh pai etc) pe tur ten Chairman, District Disaster Management Authority emaw Zonal Officer te remtihna an la hmasa tur a ni a. Tanpuina pe turin chhiatna thlenna hmun kal kher lo in ruahhmanna siam tur a ni
