No.4403/2020-2021

Aizawl, the 25th August 2020: Aizawl District Bawrhsap Pu R.Lalramnghaka chuan thenawm state-ah te leh Myanmar chhungah Vawk natna hri a len mek avangin a hnuaia mi ang hian mipuite fimkhur nan khapna thupek a chhuah.

District AH & Vety Oflicer, Aizawl District hnen atanga thu kan dawn angin tunah hian Mizoram-ah vawk natna hri Classical Swine Fever (CSF) leh Porcine Reproductive and Respiratory Syndrome (PRRS) te a leng mek a. Hri hlauhawm tak, a vei za-a-za an thihna African Swine Fever (ASF) chu thenawm State, Assam, Arunachal Pradesh leh thenawm ram Myanmar ah a leng mek tih hriat a ni a. Aizawl District mipuite he hri laka kan fihlim theih nan Section 144 CrPC hmanga khapna thupek chhuah ngaiin ka hria a; Chuvangin, kei, R. Lalramnghaka, District Magistrate, Aizawl District, Aizawl hian Section 144 of CrPC 1973 in thuneihna min pek angin hetiang hian thupek ka chhuah e;

1) Ram dang leh State dang atangin vawk leh vawksa atanga siam thil eng pawh lak luh khap tlat a ni.
2) State pawn atanga vawk la lut duh chuan AH & Vety Department phalna an la hmasa phawt tur a ni a.
3) Vawk dam 10 reng reng chu talh emaw a thi emaw a nihin a sa chu ser emaw, rep emaw, thil danga siam danglam leh hralh khap tlat a ni a.
4) Vawk dam 10 thi ruang Chu, a neituin khur thuk taka laihah a phum ngei tur a ni a. Hmun danga thehthang khap tlat a ni.
He thupek hian, tihtawi a nih loh chuan, puan a nih atanga thla hnih chhung a huam ang a. A bawhchhia chu Indian Penal Code, 1860, Section 188 hnuaia hrem theih a ni ang.