No.2486/2020-2020

Vawiin khan Aizawl District Disaster Management Authority(ADDMA) buatsaihin Planning & Programme Implementation Conference Hall-ah Sensitization Workshop on Incident Response System(IRS) neih a ni.

He workshop hi Aizawl District IRS Responsible Officer Pu Vanlalngaihsaka IAS, Aizawl District Bawrhsap in a kaihruai a. Tun hnaiah Mizoram hmun hrang hranga lirnghing a thlen zin avangin lirnghing leh a kaihhnawih chhiatna thlen palha IRS ten rang taka chet an lak vat theihna turin department hrang hrang te leh mawhphur tura ruat bik officer-te chanvo leh mawhphurhna inhrilh thar leh a ni.

Resource person Dr.Lalrokima Chenkual, Asst.Director DM&R chuan tunhnaia Mizorama lirnghing thlen dan chanchin leh Aizawl District IRS hnuaia chanvo hrang hrang inkhaichhawn dan leh pawimawhna te a sawifiah a. Pi Lalthakimi, Aizawl District Disaster Management Coordinator chuan IRS hnuaia section hrang hrang te tana resource mobilisation chungchang a sawifiah bawk a ni.

Aizawl District IRS hi tunhnaiah officer-te inthlakin mawhphurtute inruat thar a ni a. Vawiina sensitization workshop-ah hian department hrang hrang atanga mawhphur tura ruat officer-te an kal tha in chhiatna lo thleng thei laka lo inrin dan tur leh chet lak dan tur mumal taka ruahmanna siam dan tur te an sawiho a ni.

Attachment

  • Loading attachment...