1790/2026-2027

Aizawl, 14th August, 2026 : Aizawl bawrhsap kaihruaina hnuaia din District AIDS Prevention and Control Committee-in in alo rel tawh ang in vawiin khan Cultural Centre, YMA Hall Vaivakawnah Aizawl District Level Red Ribbon School Quiz Competion, 2026 buatsaih a ni a. School-level screening neih tawh atanga school titha 10 thlanchhuahte chu District-Level Red Ribbon School Quiz Competition, 2026-ah hian an inel a ni.

Competition tan hma hian Dr Lalawmpuia Chhangte Senior Chief Medical Officer, Aizawl West District chuan Keynote Address pein Mizoram dinhmun hre rengin HIV/AIDS donna kawnga thawhhona tha neih a tul thu a sawi a. School naupang, zirtirtu, health department officials leh School Education Department atanga a kal zawng zawng ten keimahni awmhmun theuhvah HIV/AIDS do kawnga theihtawp chhuah theuh tur leh ram leh hnam tan tha thawh theuh turin a sawm a ni. He programme in a tum ber competion ringawt nilovin thalai leh naupangte HIV laka an him theihna turin an nitin nundan uluk a, thianghlim leh entawn tlaka awm turin kalkhawm school naupang te chu a chah a, zirtirtute pawhin HIV donna kawngah theih tawp chhuahpui turin a sawm bawk a ni.

Aizawl District Level Red Ribbon School Quiz Competion, 2026- result chu hetiang hi a ni :

1st Place : Modern English Higher Secondary
2nd Place : Mount Carmel School
3rd Place : Govt. Sairang High School

Pakhatna Modern English Higher Secondary hian State Level Red Ribbon Quiz Competion neih turah Aizawl District ai an awh dawn a ni.