369/2023-2024

Aizawl the 9th May, 2023 : Vawiin May ni 9, 2023 hian Aizawl District Level SEDP Committee, Aizawl District chu Deputy Commissioner Dr. Lalhriatzuali Ralte hovin DRDO Conference Hall-ah thutkhawm a ni a, he hunah hian SEDP second Phase kalpui dan tur an sawi hova. Chairman Dr Lalhriatzuali Ralte chuan SEDP Phase II hlawhtling taka kalpui a nih theih nan uluk taka ngaihtuahna seng turin member zawng zawngte a chah a. SEDP line Dept hnuaia Deptt hrang hrang te chu beneficiary te theihtawp chhuah pui tur leh a vil zui kawngah te thahnemngai leh zual turin a chak bawk a ni. Aizawl District SEDP Committtee chu District zawng zawng zinga tithaber ni turin leh entawntlaka hmala zel turin a fuih bawk a ni. Member te he meeting ah hian an kal tha hle a ni.

SEDP Family Oriented Aizawl District a thlan tur zat chu beneficiary 16800 a ni a, hemi atan hian sum ruahman zat chu Rs. 84, 00, 00,000.00. Pawisa hi installment hniha pekchhuah tura ruahman a ni. Second phase first installment hi 01.06.2023 – 30.06.2023 chhunga beneficiary te account a lut tura beisei a ni a. Second installment hi August ni 30, 2023 hmaa lut tura beisei a ni bawk. Village level SEDP committee ten District Level Committee a list an thehluh hun tur chu May ni 12, 2023 a ni. Village level committee te hian a hunah tak thehluh tur a ni.

He hunah hian SEDP first Phase thlir let a ni a, Deptt hrang hrang ten SEDP sem chhuah tawha, an mahni line deptt beneficiary te an vilzui dan te report ngaihthlak a ni a, tha taka line deptt ten an hnuaia beneficiary te an vilzui avangin a lawmawm hle a ni. Beneficiary tithate tan lawmman siam  a nih tur thu tarlan a ni bawk.