Vawiin chawhma ah khan Vanapa Hall ah Aizawl District Local Council Election 2015 atana ruat Returning Officers leh Presiding Officers te tan traning buatsaih a ni a.

He hunah hian polling party leh returning officer te hnenah inthlan buaipui nana mamawh stationery bakah seal leh thil tul dang te pek a ni a. Ballot paper pawh vawiin chawhnu ah khan Aizawl DC’s Conference hall atang in sem chhuah nghal a ni.

Master trainer Pu K.Lalrohlua, DLAO, Aizawl leh trainer dang ten Presiding Officer te hi vote thlak ni a an mawhphurhna te hrilh hriat in Returning Officer te pawh vote chhiar huna an tihtur leh mawhphurhna te an hrilh a ni.

Aizawl District Local Council Election buaipui tur hian Returning Officer 83 leh Presiding Officers 166 ruat an ni a.Aizawl District chhunga Local Council Election 2015 ah hian Candidate 1237 an awm in heng zinga seat 318 hi Reserved niin General Seat 919 a awm thung. April 30, 2015 zing dar 7:00 atanga tlai dar 5:00 thleng vote thlak theih a ni ang a. Vote tla te hi vote thlak zawh veleh chhiar a ni ang a, veng tina vote chhiar tur Counting Official te chu Returning Officer ten an ruat ang.