3176/2024-2025
25th November, 2024: Kan hriat theuh angin Mizoram-a kan hunpui ber Krismas leh Kumthar chu kan lo thleng leh dawn ta a. Hêng hunah hian hâlpuah, halmawi, sky lantern leh silai lem, a mu kapchhuak thei chi te kan lêklâm thin. Hålpuah, hâlmawi hian nasa takin boruak tibawlhhlawhin damlo leh upate tan thawk lamah harsatna a thlen theih bâkah mi tam tak nun tiralti tu a ni a. Sky lantern hian kangmei te ti chhuak thei in silai lem, a mu kapchhuak thei vanga intihpalh an awm fo bawk a ni.
Chuvangin, kei, Er. Lalhriatpuia, IAS, District Magistrate hian BNSS 2023 Section 163 (1) in thuneihna min pêk angin leh Aizawl District mipuite'n Krismas leh Kumthar him taka kan hman theuh theih nan hetiang hian khuahkhirhna thupêk ka chhuah e;
"Aizawl District huamchhungah hâlpuah, hâlmawi chi hrang hrang, silai lem, a mu kâp chhuak thei leh sky lantern te lâk luh, zawrh, kawl leh hâl khap tlat a ni❞
He khuahkhirhna thupêk hian chhuah a nih atanga thlahnih (2 months) chhung a huam anga. Bawhchhia an awm a nih chuan BNS 2023 Section 223 hmangin hremna lek a ni ang.
He thupêk hi vawiin 21st November, 2024 hian Court Seal a nemnghetin hming ka ziah hnan e.
