2003/2025-2026
Dated Aizawl, the 22nd October, 2025: Ui khuahkhirh loha thlah zalen lutuk hi mi pawi sawina a ni thei a. Khawlaiah kan vah tir mai mai chuan mihring tan a hlauhawm bakah khaw chhung a ti tawp thin. Tin, ui à hri danna pek loh in mi a seh phei chuan ui neitu hremna a nêp lo hle a ni.
Chuvangin, kei, Er. Lalhriatpuia, IAS, District Magistrate, Aizawl District hian Section 163 of BNSS, 2023 in thuneihna min pëk angin, kan ui vulh te khuahkhirh nan leh ui å hri laka Aizawl District mipuite kan lo him zel nan hetiang hian thupêk ka chhuah e:-
1) Ui vulhtuten ui å hri danna (Rabies vaccine) an ui vulhte an pe vek tur a ni.
2) Khawlaiah zalen takin an ui an chhuah tir mai mai tur a ni lo.
3) An chhuahpui dawn a nih pawn hrui (leash) rinawm takin an kai ngei tur a ni.
4) An zun leh êk khawlaiah an hnutchhiah tur a ni lo.
5) Midang tana harsatna siam thei zawngin ui an vulh tur a ni lo.
6) Ui khuahkhirh lovin mihring a seh chuan Section 291 BNS, 2023 hmangin thla ruk (6) chhung lungin tân emaw Rs. 5000 thleng chawi theih a ni.
He thupêk hi tỉh danglam a nih loh chuan thla hnih (2 months) chhung a huam anga, zâwm lo te chu Section 223 of BNS 2023 dân hmanga hrem an ni ang.
He thupêk hi District Magistrate Seal-a nemnghetin vawiin Dt. 17.10.2025 hian hming ka ziah hnan e.
Sd/-Er. LALHRIATPUIA, IAS
District Magistrate
Aizawl District, Mizoram
