1047/2022-2023
Aizawl, the 25th June 2022 : Nimin tlai khan tunlai a Mizoram chanchin luahtu pakhat lui pui leh kawr ah te kawng laih leivung paih dan mumal loh avanga kan chhehvel thil tihchhiat nasa tak chu Dr Lalhriatzuali, Aizawl DC, Chairman, Aizawl District Monitoring Committee ni bawk hovin an thukhawm a. He Monitoring Committee hi Aizawl District chhunga hmasawnna hnathawh hrang hrangin kan environment a tihchhiat venna kawnga hma latu tur an ni. 

Tun tumah hian Aizawl District chhunga NHIDCL in kawngpui an laih mek NH 54 Aizawl Tuipang road leh NH 06 Seling Zokhawthar road a Seling to Tuirini en hmasak an rel a. 

NHIDCL hian NH 54 Aizawl Tupiang road a Aizawl District bik hi Forest Clearance nei tawhin hna an thawk mek a. Hetih lai hian NH 06 Seling Zokhawthar erawh Forest Clearance dil mek a ni a. Seling Zokhawthar kawng hi Forest Clearance neih hma pawh in kawng siam hi nasa tak thawh lawk a ni a, he an hna thawh lawk laia leivung paih dan mumal loh avangin a chhehvel nasa taka tihchhiat chu a rang lama Committee hian en ho an tum a ni. Dt.2.6.2022 khan Laltlanhlua Zathang, DFO Aizawl leh Monitoring Committee a Secretary chuan NHIDCL hnenah Forest Clearance nei lova an hnathawh chu chawl turin thu a pe a ni.

Attachment

  • Loading attachment...