Vawiin chawhma khan Aizawl DC Committee room ah Additional DC Pu Lalchungnunga hovin NLUP line Department hotute, Tawi, Aizawl south-II leh Chalfilh cluster hnuaia Village Council leh Local Council Member te chuan an bial chhunga NLUP in One crop/One village kalpui a nih dan tur chungchang sawi hona an nei a.

Nimin khan Darlawn BRC hall ah Tuivawl cluster huam chhunga mi te tan he mi chungchang bawk hi sawihona neih a lo ni tawh a. May 9 khian NLUP 3rd leh 4th Phase kalpui dan tur chu Aizawl khawpui chhunga cluster 10 te tan zirchianna hun buatsaih leh a ni ang. Vawiin a Aizawl district chhunga NLUP hnuaia one crop/one village kalpui zel dan tur ruahmanna an siam tak te hi May 13 a NLUP Implementing Board thutkhawm hun zirchian atana thehluh tur in meeting chuan thutlukna a siam a ni.