226/2024-2025 

Aizawl dated 16th April, 2024: Aizawl PS huam chhunga rukruk leh in an rawk te chhuichhuah tuma chawl lova theihtawp chhuaha beihna zarah, ni 11.04.2024 khan mi pakhat Vohbik Malsawmdawngzela (23) s/o Lalrintluanga, Darlung P/A Zemabawk chu Electric veng a inrawk kaihhnawih ah rinhlelh thilthu ah man a ni a. Police ten thu an zawh fiah theih nan, Magistrate hnen-ah police kuta darkar 72 kawl dil a ni a. Uluk taka zawhna zawh a nih hnuah, Vohbik Malsawmdawngzela hi a hnuaia pawikhawihna tarlan-ah te hian a in hnamhnawih tih hriat a ni:

AIZAWL PS JURISDICTION

1. Aizawl PS C/No. 119/24 Dt.10.04.2024 u/s 454/380 IPC hi Pu Michael Lalmuankima Pachuau, Electric veng, Aizawl in rawk chungchangah register ani a. He in rawk ah hian pawisa fai Rs.30,000/-bakah bike documents (smart card) B/R/No.MZOl R-0217 te ruk bo a ni. Vohbik Malsawmdawngzela hian he case ah hian a in-hnamhnawih ngei a ni tih a sawi a, a pawisa ruk atangin Rs. 15000 pawh a in atanga hmuh let a ni.

2. Aizawl PS C/No. 128/24 Dt.13.04.2024 u/s 454/380 IPC Vohbik Malsawmdawngzela hian Tuikhuahtlanga in pakhat ah lut ru in, Rs.8000/-bakah branded pheikhawk pair 2 Rs. 18995/- man hu a ru bawk a ni. A pawisa ruk hi Damdawi(No.4) lei nan a hmang a, pheikhawk te hi an in atanga hmuh let a ni.

BAWNGKAWN PS JURISDICTION

1. Bawngkawn PS C/No.107/24 Dt.28.03.2024 u/s 454/380 IPC hi Melody Runremsangi, Bawngkawn Upper venglai in rawk chungchanga case register a ni a. He in rawk ah hian pawisa fai Rs.6000/- ,rangkachak thi pakhat leh bengbeh panga Rs.53000/- man hu ruk bo a ni a. Vohbik Malsawmdawngzela hian he in hi chhunah a rawk a,a thil ruk atang hian rangkachak thi pakhat leh bengbeh pakhat hmuh let a ni.

2. Bawngkawn PS C/No.722/24 Dt.26.11.2023 u/s 454/380 IPC hi Zemabawk Middle School veng a in pakhat rawk chungchanga case register a ni a.He in atang hian Rs.5, 00.000/- ruk bo a ni a. Vohbik Malsawmdawngzela hian he pawisa a ruk atang hian bike Yamaha FZ a lo lei hman a ni. A bike hi online FB online “Buy and sell group” ah lo hralh hman in, hmuh let turin hma lak mek a ni.

3. Bawngkawn PS C/No.1/24 Dt.1.01.2024 u/s 457/380 IPC hi Pu K. Lalnunthara of Falkland in rawk chungchang a case register a ni a. He in rawkna-ah hian Rs. 3,40,000/- ruk bo a ni a, Vohbik Malsawmdawngzela he in rawk hi ama tih ngei a ni tih a sawi bawk.Tin, a pawisa ruk hian damdawi (No.4) lei nan leh nula (KS) kawp nan a hmang ral a ni.

Vohbik Malsawmdawngzela hian April, 2024 khan Falkland road, Chite-ah in pakhat rawk in Rs. 5000/- a lak thu a puang a, chubakah March, 2024 khan Laipuitlanga in pakhat ah rawk tuma a luh thu a sawi bawk a. Bawngkawn PS in he thil thleng chungchang hi an bawhzui mek a ni.

KULIKAWN PS JURISDICTION 

1. Kulikawn PS C/No.27/24 Dt. 18.03.2024 u/s 454/380 IPC hi Pu LR Hmangaihzuala of Thakthing Veng te in rawk niin pawisa fai Rs. 1000/-, chemte Rs. 1500/- man leh Cigarette Rs. 1000/- man ruk a ni a. Vohbik Malsawmdawngzela hian he in rawk hi ama tih ngei a ni tih a in puang tawh bawk.

Vohbik Malsawmdawngzela inpuanna atangin Foreign pawisa note leh India pawisa thir engemaw zat an ina a cliheprelh chu hmuhchhuah a ni a, heng pawisa hi Kulikawn leh Laipuitlang-a in a rawk atanga a lak niin a sawi bawk. Amaherawh chu hemi chungchang ah hian PS ah te report thehluh a awm hriat a ni lova, a hmunhma enfiah tura hmalak mek a ni.