511/2023-2024
Aizawl, the 19th May 2023: Superintendent of Police, Aizawl District chuan a hnuaia tarlan ang hian Rape and POCSO Act dan hnuaia pawikhawihtu Court in a hrem chungchangah thuchhuah a siam a. Pawikhawihtu hrem a nih theihna tura theihtawp chhuah a thubuai chhuitute chungah chuan lawmthu a sawi a bawk a ni.

November ni 21, 2022 khan Pu R. Lalthazuala, Presiding Officer, Fast Track Special Court (Rape and POCSO Act), Aizawl Judicial District chuan thil sual ti tu hremna ti chhuak in Lalremmawia s/o Rokunga (L), Thingsulthliah Hospital Veng chu kum 2020 October ni 25 a naupang kum tlinglo lakah hmeichhiat mipatna lam hawia mawi lo a chet avangin hrehawm taka kum nga (5) chhung Lungin tang tur leh Rs. 5,000/- chawi turin a chungthu a rel a, a pawisa chawi tur hi a pe theilo anih chuan hrehawm takin thla hnih (3) a tan belh dawn bawk a ni.

He pawikhawihna chungchang report hi Dt. 31.10.2020 khan All Women Police Station, Aizawl ah dawn a ni a, All Women Police Station Case No. 41/2020 Dt. 31.10.2020 u/s 10 POCSO Act ziah luh nghal niin SI T. Lalnuntluangi chu hemi case chhui tur hian ruat a ni. Uluk takin case I/O in a chhui zui a, finfiahna chi hrang hrang lakhawm in Court ah charge-sheet thehluh a ni a, pawikhawihtu hi Court ah a chungchang ngaihtuah zui niin, Court chuan he hremna hi a pe a ni.

Pawikhawihtu hrem a nih theihna tura theihtawp chhuah a thubuai chhuitute chungah Aizawl District Police chuan lawmthu a sawi a ni.