Mizoram MP inthlannaa Aizawl District huam chhunga Polling Official duty tur thenkhat : 7-Tuivawl, 8-Chalfilh, 9-Tawi leh 20-Aizawl South III Assembly Constituency biala duty tur te chuan inthlanna hmanrua leh thil tul dangte lam khawmin tukin zing dar 7:00 atang khan Govt. High School Field, Zarkawt atangin an duty-na hmun tur Polling Station panin an chhuak ta. Tukin-a Polling Party kal chhuak te hi khawpui pawnlam Polling Station-a duty tur te an ni a, motor 122 hmangin Polling Party 106 an kal a ni. Aizawl District huam chhunga bial dang zawnga duty tur te chu naktuk ah an chhuak ve thung ang a, naktukah chuan hetiang hian an chhuah dan tur ruahman a ni :-

1. 10-Aizawl North-I, 13-Aizawl East-I leh 15-Aizawl West-I biala duty tur te chu zing dar 8:00 ah inreport tur a ni.

2. 11-Aizawl North-II, 12-Aizawl North-III leh 16-Aizawl West-II tan chawhma dar 10:00

3. 14-Aizawl East-II, 17-Aizawl West-III, 18-Aizawl South-I leh 19-Aizawl South-II tan chhun dar 12:00