No.560/2021-2022

Aizawl the 18th May, 2021 : Vawiin khan Aizawl District Task Force and Committee for Elimination of Malaria chu an Chairman Dr. Lalhriatzuali Ralte, kaihhruaina hnuaiah zoom meeting hmangin an thukhawm a. He meeting-ah hian Aizawl East leh West District-ten 2020 chhunga Malaria case an neih zat te, 2021-a an hmalakna leh an hmachhawpte an tarlang a ni.

2020 chhung khan Aizawl West hnuaiah Malaria case 27 awmin heng zinga 19 te chu Malaria Pf case an ni a, 2021 January atanga April chhung hian Malaria case 2 awm tawhin Malaria Pv an ni. DDT spray hi Annual Parasite Index > 2 (pahnih aia tam) nei khua, Samlukhai Sub Centre hnuaia khaw 2- Samlukhai leh Lungseiah te kalpui tur a ni a. A thawhkhatna zawh tawh niin, chenna in awm zawng zawng 85% kah a ni.

2020 chhung khan Aizawl East hnuaiah Malaria case hi 15 awmin heng zinga 11 te hi Malaria Pf case an ni a, 2021 (Jan-April) ah khan Malaria case 2 awm tawhin Malaria Pv an ni. DDT spray hi North Serzawl SC hnuaia khaw 3- Sunhluchhip, Chhanchhuahna leh North Serzawlah te kalpui tur niin a thawhkhatna chu atanga kalpui tan a ni.

Kum 2020 chhung khan Aizawl East leh West hnuaiah Malaria avanga thi an awm lo.

Covid-19 hripui leng karah mitinte Malaria laka kan lo himtlan theuh theih nan thosilen zar uar deuh deuh a, thosi pian theihna tuitlingte tibo a, mahni in leh a velte vawng fai theuh turin he meeting hian mitinte a ngen a ni.