Aizawl Traffic SP chuan lirthei leh kei a kalte him zawk nan leh traffic jam pumpelhna turin, lirthei kal dan tur thar a hnuai ami te hi Local Council te nen inrawn chhungin ruahmanna a siam a. He ruahmanna hi 1st July, 2014 atangin thla khat chhung enchhin phawt tur a ni. He enchhinna chungchanga sawi duh nei leh rawtna siam duhte chu July 2014 thla chhung ngeiin a hnuaia hming ziak hnenah ziaka thlen theih a ni ang.
1. 8:00 am to 10:00 am inkarah Sihlui, Bethlehem to Bethlehem Vengthlang Kawn inkara lirthei tlan dan tur hetiang hi a ni ang.
(i) Sihlui to Bethlehem Vengthlang Kawn via Bethlehem YMA Hall road-ah LMV leh a aia lian chhuk zawnga tlan phal loh a ni a, two wheelers erawh a chhuk thei ang.
(ii) LMV chhuk zawnga kal tur te chu Lungau Road, Bethlehem Kawn to Bethlehem Vengthlang Kawn lamah an kal vek ang. Tin, hemi hun chhung vek hian Lungau Road-ah lirthei eng chi mah chho zawnga kal phal loh a ni.
(iii) Line Bus leh MMV te chuan College Veng ah va kualin Bethlehem Vengthlang kawn an pawh ang.
2. 8:30 am to 9:00 am inkara Republic Vengthlang Peng (Pastor Quarter hlui) peng thuama lirthei kual (turning) dan tur hetiang hi a ni ang :
i) Republic Vengthlang atanga lo kal Upper Republic pan tur te chu peng thuamah Upper Republic lam hawiin vei lamah kual chhoh nghal phal loh a ni a, peng atangin College Veng lam panin an tlan phawt ang a, Hmawngkai Motor silna kualah zuk inherin Upper Republic an pan chho thei chauh ang.
ii) Upper Republic atanga Republic Vengthlang pan tur te pawh pengthuamah ding lama kual luh nghal phal a ni lo a, College Veng lam pana tlan tlang phawtin Hmawngkai Motor silna kualah zuk inher in Republic Vengthlang road-ah a let zawngin an tlan lut ang.
