Vawiin chawhnu dar 1 khan NLUP Conference Hall-ah Pu P.L. Thanga, Vice Chairman, NLUP Implementing Board (NIB) hovin NIB Monitoring member te, AH & Vety Department te, Industries Department leh NIB Official ten Aizawl khawpui chhung bika NLUP Beneficiaries pem bo ta te, ti tha duh lo te leh thi te chungchang an ngaihtuah.

NLUP Beneficiaries pem/insawn te chu an awmna hmasa Local Council leh an awmna thar Local Council te hnenah an pem/insawn dan te report tur a ni. April 5, 2013 hma a in report lo chuan an instalment lak leh tur an la thei lovang. Local Council te hian report hi NIB ah leh Aizawl DC hnenah an pe thuai tur tih an rel.

Mahni trade ni lo trade dang mahni thu a lo siam ve ngawt ang chi NLUP Beneficiareis-te pawhin an dinhmun Aizawl DC ah an hrilhfiah tur a ni a, heng mite pawh hian report an siam loh chuan an sum hmuh tur an hmuh zawm loh bakah an chungchang ngaihtuah a ni ang.

NLUP Beneficiaries lo boral palh chhungkaw mawhphurtu ten Dead Certificate leh Local Council te hriatpuina DC, Aizawl (NLUP Cell) ah an thehlut tur a ni tih an rel.