3742/2023-2024

Aizawl Municipal Corporation (AMC) hnuaia hna chi hrang hrang (works contract/supplies etc.) thawktuten chhiah an pek tur hrang hrangte awlsam zawka an pek theih nan AMC Building-ah Taxation Site Office siam tura hmalak a ni a. Vawiin khan Pu Lalrinenga Sailo, Mayor leh Taxation Department officer ten he Site Office tur atan hian ruahmanna siamin, a hmunhma turte an en ho nghal a ni.

Taxation Site Office ah hian Pu H. Lalramsanga, Assistant Commissioner of State Tax hovin State Tax Officer ten AMC hnuaia hnathawk, chhiah pe thei turte an lo pui thin ang a. Hei hian Goods and Services Tax (GST) leh Profession Tax a huam ang. Taxation Site Office hi ruahman lawkna ang chuan kar khatah ni hnih hawn thin a ni anga, a tul dan a zirin ni hnih aia tam pawh hawn thin a ni ang.