Vawiin chawhnu dar 2:00 khan Aizawl Municipal Council(AMC) thuneitute UD&PA Secretary Pu P.Lianhrima, MCS Office chamber ah Municipal Council chungchang thil pawimawh ngaihtuah an thukhawm. He meeting ah hian October thla Municipal Council inthlan hun atana mipui lo buatsaih lawk dan tur ruahmanna an siam a, Aizawl Municipal inrelbawlna dan thenkhat la buatsaih mek te an ennawn nghal.
Aizawl Municipal hruaitute chuan Aizawl Municipal Council inthlan chu October thla chawhnu lamah neih theih an rin thu an sawi a. He inthlan hmachhawn tur hian Aizawl mipui tam zawk te chu Municipal Council hnathawh, inrelbawl dan, a tangkaina leh a nihphung te la hrilhfiah ngai niin an hria. Municipal Council chungchanga mipui vantlang inhrilh hriatna (Public Awarness Campaign) voter leh village council, nakin lawk a lathiah mai tur a member la ni lai te huapzo thei ang ber in huaihawt thuai ni se tiin vawiin a Municipal hotute thukhawm chuan a rel.Vawiin Municipal Council meeting UD&PA Secretary Pu P.Lianhrima, MCS kaihhruai ah hian AMC Chief Executive Officer, Pu R.Sangliankhuma, AMC Secretary Pu K.Thanhlira leh UD&PA Director Pu P. Lalchhuanga, MCS te bakah UD&PA leh I&PR Official te an tel.
